MUNSTERUS Sebastianus

MUNSTERUS Sebastianus

Ingelheimensis, Theologus ac Cosmographus praestantissimus, linguae Hebraeae Chaldaeaeque palingenesiâ, eius industriâ promotâ, immortale nomen meruit. Hic anno aetat. 14. ingenii causâ Heidelbergam missus, bienniô post Ordinem Minorum de Observantia professus est. Conradi

dein Pellicani famâ permotus, obtinuit, ut A. C. 1509. illius in Hebraica eruditione, quae tum rara admodum ac insolens, audiendi causâ, ad conventum Rubeaquen sem mitteretur. Dein A. C. 1515. ad Tubingenses Franciscanos concedens, Mathematicas artes, sub Ioh. Stoflero Iustingensi, perdidicit. Hinc reversus Heidelbergim, aulicum Ludovici Electoris egit Contionatorem: ibique Lexicon Chaldaicum concinnavit, cum Dictionario Talmudico, et primus Grammaticam Chaldaicam annotavit. Inde Basileam perveniens, Pellicano in Hebraea cathedra successit, et in Schola quoque Theologorum aliquandiu docuit. Obiit tandem A. C. 552. aetat. limacterico Germanus Esdras Straboque in Epitaphico dictus. Scripsit, praeter iam memorata, Cosmographiam, opus insigne: Annotationes item in V. T. inter Criticos sacros: Annotationes Gramm. in Proverbia, Matthaei versionem cum Annotat. etc. De hoc Verheiden: Qui cum variarum scientiarum cognitione, tum vero Mathematicis praeclare imbutu fuit. Plura vide in Elogiis Anton. Teissier. Part. 1. et. 2.